Оның атап өтуінше, Қырғызстаннан 8 адам, оның ішінде Нұр-Сұлтанда – 4, Шымкентте – 2, Алматыда – 2 адам байқаушы ретінде тіркелді.
«Бүгін таңертең біз 10 учаскені бақыладық. Олардың барлығы жалпы дайын, отандық заңнама мен халықаралық стандарттардың барлық талаптарына жауап береді. Сайлаушылар белсенді. Тәуелсіз Қазақстанның тарихында Конституцияға өзгертулер екінші рет референдум арқылы енгізілуде. Азаматтар мемлекет алдындағы жауапкершілікті сезінеді», деді Ұзарбек Жылқыбаев Алматыда өткен брифингте.
